Book 3 Blurb 2 Ahmed

ብላታ መርስዔ ኀዘን ወልደ ቂርቆስ ግንባር ቀደም ከሚባሉት (avantguard) ተርታ የሚመደቡ ናቸው፡፡ የዘመናት ማገናዘቢያ በ1943 ዓ.ም. የተጻፈ መሆኑን እንረዳለን፡፡ ያኔ እንደዛሬው የቀን አቈጣጠር ዕውቀት አድማስ ባልሰፋበት ዘመን፣ ዓመተ ምሕረት፣ ዓመተ ዩልዮስ፣ ዓመተ ተንባላትና ዓመተ ጎርጎርዮስ ለታሪክ ተመራማሪ፣ ለፍርድ አመሳካሪ፣ ለበዓላት አደራጅ የሚጠቅም ታላቅ ቁም ነገር ትተውልን አልፈዋል፡፡
ይህ ሥራ ለቀጣይ ትውልድ በሚገለገልበት መንገድ የሶፍትዌር ድጋፍ በልጃቸው በአምኃ መርስዔ ኀዘን መቅረቡ የበለጠ ተፈላጊ ያደርገዋል፡፡ በጽሑፍ ያለ ይወረሳል ብቻ ሳይሆን ከጊዜው ጋር ማሳደጉ የቀናት እና የዘመናት ለውጥ ከአንዱ የዘመን አቈጣጠር ወደሌላው ያለችግር ማቀያየር ችለናል፡፡ ተመስገን ነው፡፡ እንደምሳሌ ያነሷት የአቶ አብዱስታር መሐመድ የትውልድ ዘመን ከዓመተ ተንባላት (ዓመተ ሒጅራ) ወደ ዓመተ ምሕረት የተቀየረበት ማስረጃ ለዚህ የቀን አቈጣጠር ሥርዓት ጠቃሚነት በቂ ምስክር ነው፡፡ የአቈጣጠሩ ቅያሬ ቊጥር ብቻ ሳይሆን የዋለበትንም የቀን ስም ያገናዘበ በመሆኑ ጥቅሙ ከፍተኛ ነው፡፡ ሥራው ፈርጀ ብዙ ስለሆነ ለፈርጀ ብዙ አገልግሎት ይውላል፡፡
አህመድ ዘካሪያ