Yäzämänatə Magänazäbiya

rsz_book_3_use_this

የባሕረ ሐሳብ ስሌት የተከበረ ዕውቀት ነው። ስሌቱን የሚያውቁት ጥቂቶች ሲሆኑ አንዱ ክቡር ብላታ መርስዔ ሐዘን ወልደ ቂርቆስ መሆናቸው አያስገርምም። እሳቸውን ከሌሎቹ የባሕረ ሐሳብ ስሌት ዐዋቂዎች የሚለያቸው ያው ዕውቀት የማዳበር ፍላጎታቸው እዚህም ላይ መታየቱ ነው። ይኸም በዚህ መጽሐፍ ውስጥ በሁለት መልክ ይታያል፤ አንደኛ፥ ሲወርድ ሲዋረድ ከእኛ ዘመን የደረሰውን የባሕረ ሐሳብ ስሌት በአጭሩ ከአስተማሩን በኋላ፥ ለሰባ ዓመታት የሚያገለግሉ ዓመተ ምሕረትን ከዓመተ እግዚእ (AD) እና ከዓመተ ተንባላት (ዓመተ ሂጅራ፥ ዓመተ አጋር) ጋር የሚያገናዝቡ ሰንጠረዦች አዘጋጅተውልናል።

ፕሮፌሰር ጌታቸው ኃይሌ
See More

ብላታ መርስዔ ኀዘን ወልደ ቂርቆስ ግንባር ቀደም ከሚባሉት (avantguard) ተርታ የሚመደቡ ናቸው። የዘመናት ማገናዘቢያ በ1943 ዓ.ም. የተጻፈ መሆኑን እንረዳለን። ያኔ እንደዛሬው የቀን አቈጣጠር ዕውቀት አድማስ ባልሰፋበት ዘመን፣ ዓመተ ምሕረት፣ ዓመተ ዩልዮስ፣ ዓመተ ተንባላትና ዓመተ ጎርጎርዮስ ለታሪክ ተመራማሪ፣ ለፍርድ አመሳካሪ፣ ለበዓላት አደራጅ የሚጠቅም ታላቅ ቁም ነገር ትተውልን አልፈዋል።
ይህ ሥራ ለቀጣይ ትውልድ በሚገለገልበት መንገድ የሶፍትዌር ድጋፍ በልጃቸው በአምኃ መርስዔ ኀዘን መቅረቡ የበለጠ ተፈላጊ ያደርገዋል። በጽሑፍ ያለ ይወረሳል ብቻ ሳይሆን ከጊዜው ጋር ማሳደጉ የቀናት እና የዘመናት ለውጥ ከአንዱ የዘመን አቈጣጠር ወደሌላው ያለችግር ማቀያየር ችለናል። ተመስገን ነው።

አህመድ ዘካርያ
See More